الزول السمح
كثيرون يعتقدون جهلاً أن كلمة زول كلمة أخترعها السودانيون
وليس لها أصل ولا فصل , وللعلم والمعرفة إليكم التعريف المفصل لكلمة زول:
الزول تلك اللفظة العربية التي أصبحت تعادل كلمة (سوداني)في كل مهجر ومغترب وخاصة في دول الخليج ، حتى أصبحت شعاراً للسوداني ـ هي والعمامة ـ و (زول) من فصيح العربية ولها في لسان العرب لإبن منظور
أكثر من سبعة عشر معنى ، فالزول تعني:
(1) الكريم الجواد ، أنشد السكيت المزرد:
“لقد أروح بالكرام الأزوال من بين عم وإبن عم أو خال”
(2) والزول : الخفيف الحركات
قال أبو منصور الثعالبي في حديثه عن الممادح والمحاسن ، حين ذكر أطوار الإنسان : فإذا كان حركاً ظريفا متوقدا فهو : زول .
(3) والزول الفتى
قال محمد بن عبيد الله الكاتب المشهور بالمفجع يمدح علياً رضي الله عنه :
“أشبه الأنبياء كهلاً وزولاً وفطيماً وراضعاً وغذياً.
(4) والزّول : العجب
ألا ترى السوداني إذا استغرب شيئا قال: يازول ؟!!!!
يعني ياعجبي من هذا الشيء .
قال الشاعر في وصف سير ناقة.
“مرفوعها زول وموضوعها كمر غيث لجب وسط ريح”
فمرفوعها زولٌ يعني سيرها إذا أسرعت عجب من العجائب.
(5) والزول : الخفيف الظريف الذي يعجب الناس من ظرفه
(6) والزول التظرف
(7) والزول : الداهية
(8) والزول : الشجاع الذي يتزايل الناس من شجاعته
(9) والزول : الصقر
(10) والزول : معالجة الأمر كالمزاولة
(11) والزول الغلام الظريف
(12) والزول : الحركة
(13) والزولة : المرأة الظريفة ، قال الأصمعي : أنشدتني عشرقة المحاربية ، وهي عجوز حيزبون زولة … قال أبو علي : الحيزبون التي فيها بقية من الشباب . والزولة الظريفة
(14) والزولة : المرأة البرزة (الجميلة) الفطنة الذكية ، قال الطرماح بن حكيم :
وأدت إليّ القول منهن زولة تلاحن أو ترنة لقول الملاحن
والملاحنة هي الفطنة ، فهذه تتكلم بما يخفى على الناس ولا يفهمها إلا الفطن .
(15) والزولة : الفتية من الإبل أو النساء
قال رؤبة بن العجاج :
قد عتق الأجدع بعد رق بقارح أو زولة معق
(16) ووصيفة زولة : إذا كانت نافذة في الرسائل
(17) ويقولون فلان رامي الزوائل : إذا كان خبيراً بالنساء
قال الشاعر :
“وكنت امرأً أرمي الزوائل مرة فأصبحت قد ودعت رمي الزوائل”
ففتى، زول وفتاة ،زولة ، وفتية أزوال ، وفتيات زولات ، ونسوة زوائل .
والزول كلمة آتية من الزوال أي أنك إنسان زائل ،
فالزول والعمامة شعار السوداني ـ وأكرم به ـ ونحن نسعد ونفخر أن يكون شعارنا كلمة عربية أصيلة هي (العمامة) والعمامة هي لباس النبي صلى الله عليه وسلم وأصحابه والتابعين والأئمة والفقهاء.
نقلتها لكم للفائدة
من باب العلم بالشيء
************
**************
كلما نودى يا زول إلتفتنا لهفة وجدا وحبا وحنينا
************
**************
ﺳﻤﺢ ﺍﻟﺰﻭﻝ ﻭﻛﺖ ﻳﺤﻔﻆ ﺟﻤﻴﻞ ﺍﺧﻮﺍﻧﻮ
ﺳﻤﺢ ﺍﻟﺰﻭﻝ ﻭﻛﺖ ﻳﻤﺴﻚ ﻋﻠﻴﻬﻮ ﻟﺴﺎﻧﻮ
ﺳﻤﺢ ﺍﻟﻔﻲ ﺍﻟﺴﻤﺢ ﺗﻠﻘﺎﻫﻮ عالى ﻣﻜﺎﻧﻮ
ﺳﻤﺢ ﺍﻟﺒﻲ ﺍﻟﻀﻴﻮﻑ ﻋﺎﻣﺮ ﺩﻭﺍﻡ ﺩﻳﻮﺍﻧﻮ
ﺳﻤﺤﺔ ﺍﻟﺒﺖ ﻭﻛﺖ ﺗﺴﻤﻊ ﻛﻼﻡ ﻭﺍﻟﻴﻬﺎ
ﺳﻤﺤﺔ ﺍﻟﺮﺍﻳﻘﺔ ﺗﻠﻘﺎﻫﻮ ﺍﻟﻌﻔﺎﻑﻛﺎﺳﻴﻬﺎ
ﺳﻤﺤﺔ ﺍﻟﻔﻲ ﺍﻟﺪﻏﺶ ﻗﺎﻣﺖ ﻗﻠﺖ ﺑﻜﺮﻳﻬﺎ
ﺳﻤﺤﺔ ﺍﻟﺒﺖ ﻭﻛﺖ ﻋﺎﺩﺍﺗﻨﺎ ﻣﺎ ﺗﺨﻠﻴﻬﺎ
ﺳﻤﺢ ﺍﻟﺼﻠﻰ ﺃﻭﻛﺎﺗﻮ ﻭﻋﻘﺐ ﺑﺘﻨﻔﻞ
ﺳﻤﺢ ﺍﻟﺪﺍﺭﻭ ﻓﺎﺗﺤﺔ ﻭﺣﺎﺷﺎ ﻣﺎﺑﺘﺘﻘﻔﻞ
ﺳﻤﺢ ﺍﻟﻔﻲ ﺩﺭﻭﺏ ﺍﻟﻌﺰﺓ ﺻﻌﺪﻭﺳﻔﻞ
ﺳﻤﺢ ﺍﻟﻔﺎﺭﺱ ﺍﻟﻤﻨﻮ ﺍﻟﺮﺟﺎﻝ ﺗﺘﺠﻔﻞ
ﺳﻤﺤﺔ ﺍﻟﺨﺎﻓﻀﺔ ﺻﻮﺗﺎ ﻭﺗﺤﺘﺮﻡ ﺟﻴﺮﺍﻧﺎ
ﺳﻤﺢ ﺍﻟﻔﻨﺠﺮﻳﺔ ﺍﻟﻌﻘﺪﺕ ﺿﻴﻔﺎﻧﺎ
ﺳﻤﺤﺔ ﺍﻟﺴﺎﺗﺮﺓ ﻋﺮﺿﻬﺎ ﻭﺍﻷﺩﺏ ﻋﻨﻮﺍﻧﺎ
ﺳﻤﺤﺔ ﺍﻟﺴﻤﺤﺔ ﻻ ﻣﺴﺤﺖ ﻛﺮﻳﻢ ﻻ ﺩﻳﺎﻧﺎ
ﺧﺎﻭﻱ ﺍﻟﻔﻨﺠﺮﻱ ﺍﻟﺘﻠﺐ ﺍﻟﺒﻜﻮﻥ ﺍﺭﺑﺎﺏ
ﻣﺎﺗﺨﺎﻭﻱ ﺍﻟﺒﻴﻘﻔﻞ ﻣﻦ ﺿﻴﻮﻓﻮ ﺍﻟﺒﺎﺏ
ﺧﺎﻭﻱ ﺍﻟﺮﺍﻳﻮ ﺑﺼﺒﺢ ﻟﻲ ﺍﻟﻘﺒﻴﻠﻪ ﻋﻘﺎﺏ
ﻣﺎﺗﺨﺎﻭﻱ ﺍﻟﺒﺘﻠﻘﺎﻭ ﻓﻲ. ﺍﻟﻤﻮﺍﻗﻒ ﺧﺎﺏ
ﻗﺒﻞ ﻣﺎﺗﺨﺎﻭﻱ ﺷﻮﻑ ﺍﻟﺰﻭﻝ ﻭﺍﻗﺮﺍ ﺍﺻﻮﻟﻮ
ﻣﺎﺗﻨﻐﺶ ﺑﻲ ﺷﻜﻠﻮ ﻭﻫﺪﻭﻣﻮ ﻭﻃﻮﻟﻮ
ﺗﻴﺮﺍﺏ ﺍﻻﺧﻮﺓ ﺯﺭﺍﻋﺘﻮﻛﺎﻥ ﻓﻲ ﻓﺼﻮﻟﻮ
ﺭﺑﻨﺎ ﺑﻜﺮﻣﻚ ﻭﺗﺤﺼﺪ ﺳﻤﺢ ﻣﺤﺼﻮﻟﻮ .. ﻣﺎﺗﺨﺎﻭﻱ ﺍﻟﺒﻘﻴﻴﻢ ﺧﻮﺗﻚ ﺑﺎﻟﻤﺎﻝ
ﺧﺎﻭﻱ ﺍﻟﻔﺎﻫﻮ ﻣﺎﺑﻄﺮﺍﻫﺎ ﻗﻠﻨﺎ ﻭﻗﺎﻝ
ﻣﺎﺗﺨﺎﻭﻱ ﺍﻟﺠﻨﻲ ﺍﻟﺨﺎﻳﺐ ﺍﻟﺒﻜﻮﻥ ﺑﻄﺎﻝ
ﺧﺎﻭﻱ ﺍﻟﺒﻔﻘﺪﻙ ﻭﻟﻴﻚ ﺑﻴﺴﺘﺮ ﺍﻟﺤﺎﻝ
ﻫﺎﻙ ﺍﺳﻤﻊ ﺩﺣﻴﻦ ﻭﺍﻋﺮﻑ ﻣﻌﺎﻧﻲ ﺍﻟﺨﻮﺓ ﻣﺎﻫﺎ ﻛﻼﻡ ﻟﺴﺎﻥ ﻭﻻﺑﺘﺠﻴﺒﻪ ﺍﻟﻘﻮﺓ
ﺧﺎﻭﻱ ﺍﻟﻴﻚ ﺑﻨﺠﺪ ﻛﺎﻥ ﻭﻗﻊ ﻓﻲ ﻫﻮﺓ
وﺧﺎﻭﻳﻬﻮ ﺍﻟﺒﻜﻮﻥ ﺗﻴﺮﺍﺏ ﻛﺮﻡ ﻭ مروه
ﻛﺘﻴﺮ ﺍﻟﺒﻨﺨﺰﻝ ﻓﻲ ﺯﻭﻝ ﻗﺒﻴﻞ ﺧﺎﻭﺍﻫﻮ
ﺍﺧﻠﺺ ﻓﻲ ﻣﺨﺎﻭﺍﺗﻮ ﻭﺩﻭﺍﻡ ﻳﺒﺮﺍﻫﻮ
ﻳﻄﻠﻊ ﻟﻲ ﺍﻻﺧﻮﺓ ﻣﺮﺽ ﻭﻗﺎﺳﻲ ﺩﻭﺍﻫﻮ
ﺳﺮﻃﺎﻥ ﻳﻤﺸﻲ ﻓﻲ ﺍﻟﺒﻴﺨﺎﻭﻱ ﻳﺒﺪﺍﻓﻨﺎﻫﻮ
ﻛﺎﻥ ﺧﺎﻭﻳﻨﺎ ﺻﺎﺩﻗﻴﻦ ﺧﻮﺓ ﻟﻲ ﻛﻞ ﺻﺎﻟﺢ ﻣﺎﺑﻨﺨﺎﻭﻱ ﺷﺎﻥ ﺷﻬﺮﺓ ﻭﻗﺮﻭﺵ ﻭﻣﺼﺎﻟﺢ
ﺑﻨﺨﺎﻭﻱ ﺍﻟﻨﺠﻴﺾ ﻭﺩ ﺍﻟﻘﺒﻴﻠﻪ ﺍﻟﻔﺎﻟﺢ
ﻛﻞ ﻣﺎﺗﺒﺎﺭﻱ ﺑﺎﻟﺠﻮﺩ ﺗﻠﻘﻲ ﻏﻄﻲ ﺍﻟﻤﺎﻟﺡ
**************
***************
****************
مناسبة القصيدة إن كاتبها رد على أحد منسوبي الدول العربية بعبارة:
( نعم يا زول )
فجاء رد ذلك العربي عليه مستاءً :
((بتقول زول !!؟.. ليه شايفني لافي بتاعة على دماغي؟؟))
((يقصد عِمة))
تقول لي زول؟!
بقول ليك زول !!
مالو الزول؟
و انت بتعرف إيه للزول ؟
سخيف وجهول
كمان زعلان
خلاص يا سيدي أنا غلطان
شطحت وكنت فاكرك زول
اللافيبا راسو الزول
و متباهيبه إسمها عمه
سنة سيد الأسياد
المعصوم شفيع الأمه
و سيما الأوليا الزهاد
قلال الزاد كبار الهمه
و تاج العزة و الجبره
و رمز الطيبه و الحكمه
و الملفوف على المبروكه
إسمو التوب
لباس العفه و الحشمه
أزيدك من فضول القول
ولا خلاص عرفت الزول
ده جمل الشيل
دخري الحوبه
فارس العتمه ساري الليل
لبيب و زكي و نجيب بلحيل
فهيم فهماً يهد الحيل
تقول لي ما فهمت عليك عيد القتو لي تاني !
واجيب فهامه عاد من وين
كلامي القتو ألماني؟
أخير ليك تمشي تختاني
وتنسى الزول و تنساني
وفوت قبال تعاديني
و اقول اللوح ده عاداني
و يكفي الزول و يكفيني
إني وإنو سوداني
*************
**************
************
إما ان اعشق أنثى للانسان او اعشق أنثى عاصمة تلك المحبوبة ام درمان
***********
****************
بنت الهندسة
*************
************
**************
ﺷﺎﻳﻘﻴﺔ ﺷﻘﺖ ﻗﻠﺒﻲ ﺷﻮﻕ ﻭﻏﺴﻠﺘﻨﻲ ﻣﻦﻛﻀﺐ ﺍﻱ ﺑﺖ
ﻭﺩﺧﻠﺖ ﻣﺴﺎﺭﺏ ﺍﻟﺮﻭﺡ ﺑﺸﻴﺶ ﺫﻱ ﺩﺧﻠﺖﺍﻻﺳﺒﻮﻉ ﺳﺒﺖ
¤¤
ﻫﺰﺕ ﻓﺮﻭﻉ ﺍﻟﺬﻛﺮﻳﺎﺕ ﺧﻠﺖ ﻭﺟﻊ ﻣﺎﺿﻲﻳﺤﺖ
ﻭﺃﻣﻨﺖ ﻣﻦ ﺑﻌﺪﺍﻟﺴﻨﻴﻦ ﺃﻧﺎ ﻟﻲ زﻱ ﺍﻟﻨﺎﺱﺑﺨﺖ
¤¤
ﻳﺎﺑﺖ ﻣﻦ ﺍﻟﺰﻣﻦ ﺍﻟﺰﻣﺎﻥ ﺃﻳﺎﻡ ﻧﺰﻭﻟﻨﺎﺍللاﺗﺤﺖ
ﺭﻋﻢ ﺍﻟﻤﻮﺍﺟﻊ ﻭﺍﻟﻈﺮﻭﻑ ﻗﺪﺭﺕ ﺩﻭﺍﺧﻠﻲﺃﻧﺎ ﺗﺘﻨﺤﺖ
¤¤
ﺃﺩﺗﻨﻲ ﺣﺒﻬﺎ ﺑﻲ ﺻﺪﻕ ﻣﺎﻗﺎﻟﺖ ﺍﻟﺮﻳﺪ ﺑﺎﻟﺘﻠﺖ
ﻛﻔﺘﻨﻲ ﺷﺮ ﺍﻷﺣﺘﻴﺎﺝ ﻛﻴﻒ ﻟﻲ ﺳﻮﺍﻫﺎ ﺃﻧﺎﺃﺗﻠﻔﺖ
¤¤
ﻻﻗﻴﺘﻪ ﻓﻲ ﺍﻟﺰﻣﻦ ﺍﻟﻀﻼﻝ ﻭﺍﻟﻔﻴﻬﻮ ﻣﺎﻋﺎﺩﻳﻨﺴﻜﺐ
ﺻﻮﺕ ﻭﻋﻲ ﻣﺎﻣﻤﻜﻦ ﻳﻤﻮﺕﻻﺑﺘﻜﺒﺘﻮ ﺍﻟﻌﺎﺩﺍﺕ ﻛﺒﺖ
******************
***********
********
استراحة
اخوكم دوما وليس يوما
ادروب
تعليقات
إرسال تعليق
أتشرف بتواجدكم ومروركم وتعليقاتكم … طبتم وطابت أوقاتكم ***